Ընդունելով Բաքվում կայանալիք «Եվրատեսիլում» Թուրքիայի ներկայացուցիչ Ջան Բոնոմոյին՝ Թուրքիայի Եվրամիության անդամակցության հարցերով նախարար Էգեմեն Բաղըշն անդրադարձել է նաև «Եվրատեսիլից» հրաժարվելու Հայաստանի որոշմանը:

Հակահայ կեցվածք որդեգրած թուրք նախարարը, որը հայտնի է նաև Հայոց ցեղասպանության ժխտման վերաբերյալ իր անսասան կեցվածքով, այս անգամ հայտարարել է.

–Մենք նախընտրում ենք, որպեսզի Հայաստանը «Եվրատեսիլից» դուրս գալու փոխարեն դուրս գա Արցախից։

Թուրք պաշտոնյան խոսել է նաև մրցույթի անցկացման վայրից.

–Ադրբեջանն այդ իրավունքը վաստակել է: Այն ժողովրդավարական արժեքները հարգող երկիր է։ Ի վերջո, ՄԱԿ-ի անդամ է և հարգանք է ցուցաբերում միջազգային օրենքների և հանրության նկատմամբ։